في ظل الوحده

[طالب شر]

الســلام عليكم ورحمه الله وبركاته

هذه اول مشاركه لي وانشاء الله تنال اعجابكم


ياعيد سبتمبر نرحب قدومك ** يامن سحقت الظلم في يومك المجيد

ياعيد خمس والثلاثين ذي مضت **علينا ونحن نحتفل عيد بعيد

في ظل وحده ذي سعدنا بخيرها **بفضل الزعيم الرمز ذي حقق العديد

وهو صانع الوحده وصانع بنودها ** ودق العند ذي كان يدعونه العنيد

سلاما على بو حمد ابونا ورمزنا **ونعتز به في كل عام الى المزيد

وبالمال والارواح نفدي بلادنــــا **ونسقي عداها سم من نار الوقيد

وارض اليمن موعود بالخير والهناء**وما ينقطعشي الخير من اليمن السعيد

وايهـا المقدام لي وجهه نظـــــــــر ** وتسمح بكلمه لي وهي المطلب الوحيد

عليكم تصفوا كل مفسد ومختلس ** وتصفيه كل الاجهزه حسب مانريد

لايخدموا الوحده ولا خدمه وطن **بل ينهبوا الاموال كلن معه رصيد

وانته قدك فاهم وعارف بكل شي **كم ذي نهب لول وكم ذي خذ الجديد

ونحن فدا الوحده ونحن جنودها **ذي ينشقوا البارود من فوهه الحديد

بتاريخ سبعه شهر سبعه يوليو **طردنا لنفصالين بالنار والحديد

ولولا الفريق الفذ بادر بعفوهم **لاصبح عبادي ياخذ الثار من عبيد

ولكن عاد الله موجود فوقنـــــا ** عفا الله عما سار كلن خسر شهيد

ذرينا جميع الارض من كل فاكهه**ونشتي لها شراح في موسم الحصيد

ولا يحرم الذاري ولا يحرم بقر **ومن خير ارضه كل انسان يستفيد

وحنا على استعداد في ساعه الطلب**وكلن قده مشتاق لاصبح لهن رعيد

وكلن على ارضه يدافع لو قهر **قده قام بالواجب وماراح يستعيد


كسبنا تجارب والمعارك شعارنا **نقاتل ونقتل زارد راسي كل جيد

وعاش الفريق الفذ مقدام شعبنا **وذي حقق الوحده على دربها المشيد

وعاش اللواء الركن نائب رئيسنا **هديه مع الفاكس وارميل في البريد

وعاشوت رجال الامن في خدمه الوطن**ويحموا المكاسب من عدو ومن حقيد

وحيي العيون الساهره في حـــــــدودنا**كما الموت ذي ماسك على دقه الوريد

وحيي صقور الجو ذي في جناحها**صواريخ محرق تردع العدو من بعيد

وختــمت ابياتي بصوت المجنزره** ذي صوتها كمن جبل تمهده مهيد

وصلوا على المختار طه نبينا ** محمد رسول الله يشفع للعبيد

وسلامتكم

للشاعر : احمد عمر مكرش رحمه الله


تحياتي