هديه من بوخالد

[abu khaled]

يقول بو خالد البال مشغول والنفس ما عادها سليه

الحال مستور والحمد لله ما حد به شر ولا بليه

الا البلاد ما نسمع عنها شي زين ولا عادها ذيك الأوليه

خمس تعشر سنه وحده والأحوال هيه هيه

لاشفنا شي زين من علي ولا سلمنا من الأذيه

نهب وسرقه لثروةالجنوب وكلها في جيب الأسره الأحمريه

وتردي أوضاع المعيشه وتدمير البنيه التحتيه

والأقتصاد مرعبل وان سألت قالو أزمه عالميه

ولانشدت عن البترول قالو كلها ثلاث أوخمس ميه

طيب فين تروح فلوسه يقولون ديون خارجيه

الشعب ضايع بين لقمة العيش والفتنه القبليه

الأمن بس نسمع به ولاشي قانون ساري غير العنتريه

اما الصحه فهذي هي الطامه وأكبر بليه

لاشي علاج ولامستشفيات كما الناس

والمريض يموت قبل ما يوصل غرفة العمليه

الطرق مشاريعها شغاله وقبل مايكملون الطريق تبان العيوب الفنيه

وان كان في شي يبتني ولايتصلح فهذي كلها معونات خارجيه

هذا غير المناقصات الكثيره على المشاريع والأصلاحات الوهميه

ونسبة الأميه تزيد كل يوم رغم كثرة خططهم التعليميه

والنجاح في المدارس والتحصيل العلمي بالفلوس ما هي اجتهاديه

الوحده والقانون ......... والنظام والديموقراطيه

وحرية الصحافه والمعارضه والتعدديه الحزبيه

وتداول السلطه والمساواه وللمرأه الحريه

كلام انشأ كسرو راسنا به ولاشفنا منه حتى كما ذيه

مؤسسات الدوله كلها فساد اداري ورشوه وتعيين الوظائف بالمحسوبيه

الجنوبي له التقاعد والشمالي له أكثر من وظيفه حكوميه

وكل من تكلم وطالب بحقه قالو هذي انفصاليه

ايش من مؤامره دفرونا عليها ونحسب انها وحده يمنيه

لامابغينا وحدتكم هذي بغينا استفتاء من لجان دوليه

وبانرجع بلادنا كما كانت زينه....عربيه جنوبيه

نظيفه لاشي غدر فيها ولا قتل ولاسرقه ولاهمجيه

وبدون اشتراكيه اللي جابوها لنا وبدون شيوعيه

والجنوبين بايتكاتفوا ويحلو مشاكلهم بكل ود وحبيه

وبا نطوي صفحة الماضي وذكرى الألم با تصبح منسيه

و يا تاج أقدم وكلنا معاك في هذي الطريق السلميه

والله معانا با ينصرنا عليهم مش الدبابه الأمريكيه

واختم كلامي بالصلاه على النبي وآله وصحبه والذريه