|
|
الشاعر حسين المحضار - كـذا تلقين يـالدنيا الـدنـيـا كـذا تلقين يـالدنيا تـردين الـوفي عيـاّب والعـايب وفي ويبقـى المعرفي منكور فـي عينك و المنكور يبقـى معرفي متى بـاتنصفي عليّ طـالت المده وهـلّ الشهر و تنـاصف إذا برقت في القبله ترفع فوق يالطارف صبرت أيـام وليـالي ولكن عـادنـا بـا واجهك مـا بقفي حِمل داسـي ومتحمـل وانتـي عـاقيـاسك ثقلي أو خففي وفـي الحسر ألحفي مكـاني عادنا باطلع ولانا من أحد خايف إذا برقت في القبله ترفع فوق يالطارف إذا نطيت أنـا بـا لافهـا و المشكله غيري ينـاوط مـالفي بعيده مـاتجي بـالكذب والا بـالبـاقه و الكـلام العـاطفي بغت خـاطر مدى مسلم مـايهمه برقهـا أو رعدها القاصف إذا برقت في القبله ترفع فوق يالطارف دريت البـر وصـربته وبكره بـاطرح بعده بطـاين مخرفي وكل مـافـات في الأول علي لازم مـن الثـاني بغيته يوتفي و خل سالم صفي يقلب في الملف إن كان شي عنده لحد خالف إذا برقت في القبله ترفع فوق يالطارف صفـا عين بـامعبد ولكن مـاء بيـار الحزم عاده ما صفي ونـا قلبي بغى شربه هنيه لـي بهـا الأمـراض منه تشتفي مرض قلبي خفي عيـا فيه الطبيب المـول والمتعلم العـارف إذا برقت في القبله ترفع فوق يالطارف وذا كلـه مـن العشقه محينه خلت الميزان بـوشوكه هـفي وخلت كم وكم مـن جيد يستبرد وهو قـد كان في موقع دفي وطرفه مـاغفي ونفسه تردف الـونه وريقه منهـا نـاشف إذا برقت في القبله ترفع فوق يالطارف |
مابااكشف أسراري أيـن الـفـرح ولـى زمانه راح قـلـيـل فـي دنـيـا الندم تفرح والـلـي انـجرح مايجتبر ياصاح إلا اذا لاقـى الـعـلاج الـصّـح مـاحـد قـط مـن ماشي يصيح مابااكشف أسراري لعذالي ولا بابيح كـلـمـا صدح لي بلبلي الصدّاح قـالـت لـه الأقـدار لاتـصدح وأذا نـبـح كـلـب العوى النباح خـلـتـه عـا راسـي بطى ينبح واللي ربي في الخبت يفرح بالنبيح مابااكشف أسراري لعذالي ولا بابيح كـلـمـا مسحت الدمع غيره ساح يـاكـم وكـم ابـكـي وكم امسح الـصوت بح في وانطفأ المصباح والـهـم مـن بـدري علي صبّح مـن يـوم ماغيبت يالوجه الصبيح مابااكشف أسراري لعذالي ولا بابيح الـبـر دح مـن يـاكـلك ياالداح ذلا فـضـيـلـه على آل بادحدح الـكـيـل شح مااعتاد كيلي شاح لـكـنـنـا بـالـلي بقي باانشح لـمّـا قـده يـتعدل الكيل الشحيح مابااكشف أسراري لعذالي ولا بابيح يالله فـتـح لـي الـبـاب يافتّاح خـل الـذي بـنـد عـلـي يفتح والـطـف سمح رد العواج سماح يـاخـيـر مـن يـسر ومن سمح وخـلنا نمشي على الدرب السميح مابااكشف أسراري لعذالي ولا بابيح |
يانود نسنس يانود نسنس خلنا من غثاء الأيام نرتاح نصحت بلغت النصائح لكن خلي ما انتصح ونا من أجله جاي رايح ليلي وصبحي والروح مالي مصالح فيه لكن راجي له الصلاح يانود نسنس خلنا من غثاء الأيام نرتاح دركاه ياهل القرائح ميزر علي منه قرح أثر علي كل الجوارح والقلب سود وانجرح بكلام جارح آه وين المداوي للجراح يانود نسنس خلنا من غثاء الأيام نرتاح ماله شريد الفكر سارح كل ما ضوى عقله سرح وفي بحور الوهم سابح ما أحد معه فيها سبح لو صاح صائح ما تأثر ولا حس بالصياح يانود نسنس خلنامن غثاء الأيام نرتاح أنا عوزلي كون بارح ومادري بمن طار أو برح لكننا عالود شارح بالهجر قلبي ما انشرح لأجله نكافح كل من حب يصير عالكفاح يانود نسنس خلنا من غثاء الأيام نرتاح حفظت في حبه لوائح أكد علي فيها ولح وبنيت له عندي مطارح فيها خلافه ما انطرح وله سوارح ولا يقول الذي قد راح راح يانود نسنس خلنا من غثاء الأيام نرتاح |
حرف الذهب الله يكرمه ويزيده في يوم عرسه وفي عيده ويتمم القصد له و الشان لي صب حرف الذهب حسّان لاشفت بدوي من الريده يمشي وخاتمه في إيده لاتحسد أخوانك البدوان لي صب حرف الذهب حسّان ذلا زمن جابوا قصيده حسدوا محيمود عافيده لمّان جا طاهش الحوبان لي صب حرف الذهب حسّان الهيش لاقد فتق قيده جّرد إلى الشِعب تجريده ما باتعزه شجر ذهبان لي صب حرف الذهب حسّان كل من سرح جاب له صيده من حرو أو من قدا حيده ماشي كما مرتع الغزلان لي صب حرف الذهب حسّان |
التناهيد رسيت القطب في الجبح مابارد منه انا انسان دابس وانتم جهزو ستميه من حاملين السلب او الف فارس وبصر الله يقع موت عن الجبح والا عسل صافي ومصبوب مكانه جبحكم ياآل باكرمان فيه العسل ماغبه النوب وسوو ماتسوون بي او عاكسو الزمن كله معاكس وثيروها على الجبح حمرا مثل ماثارت الغبراء وداحس وانا باقول ياحول لاقد شفت كير البلاء لاصي ومشبوب مكانه جبحكم ياآل باكرمان فيه العسل ماغبه النوب اذا جديت وظهرت هذا جاء يفاخر وهذا جاء ينافس وان غضيت وصبرت قالو مامعه مقدره مسكين يائس منين الياس مادام انا لي ساق عالمشي يحملنا وعرقوب مكانه جبحكم ياآل باكرمان فيه العسل ماغبه النوب انا راغب وحبان وكل ما جيت باقايس الحب ماتقايس انا مشتاق والشوق قد له نار تاكل خضر مره ويابس اذا هاجت في القلب خلتن مشي عالوعر من غير مركوب مكانه جبحكم ياآل باكرمان فيه العسل ماغبه النوب |
اقتباس:
|
( يستفسر عمّا حصل ؟ ) يـــارب يـاعـالــم بــأحــوال الــزمــن **عـبـدك عـلـى بـابـك يـنــادي يـاكـريـم قــــدّم مطـالـيـبـه بــســـره والـعــلــن **وطالب الرحمه بحق طاء, سين, ميم وألفـيـن صـلـوا عالـنـبـي المـؤتـمـن **والآل لي قبضـوا الصـراط المستقيـم والـيـوم قــم يـاطـيـر بـرسـالـه تـعــن **وسأل على شاعر فـي التركـه قسيـم في الشحر بيته حيث عطر العود بـن **ماهـو مـن الليلـه مـن الـزام القـديـم وقـل لبومحضـار عنـدي حسـن ظــن **من عندكم نحصل على كل سين جيـم من شان تطفي كير في جوفي رشـن **بعـد (المقـدم) سـال دمـعـي دال مـيـم حبيب شي عندك خبر من (عين ون) **أومالهـم قـدره علـى السيـل الهمـيـم جّوب على حامد وسـن السيـف سـن **وطمّـن أهـل الشحـر والغـنـاء تـريـم إنــــك تـبـانــا شــــل جـنـبـيـه طــعــن **قـل لـي ونـا باخلـي الـطـارف غـريـم خايـف يضيـع الجـود لـي مالـه ثـمـن **أويرتمـي فـي البحـر لـي يلطـم لطيـم شـبـوه وأبـيـن والــذي حـلـوا عـــدن **ولـحـج والمـهـره يعـانـوا جـيـم مـيـم والحضرمي صابر وجالس في سهن **ويـقـول لازم نقـلـب الملـعـب شـريــم والبـار يـسـأل ويــن صـابـون الـبـدن **روّح وخـلا النـاس فـي نـار الجحـيـم واللي معه دولار في المصرف ويـن **باع الوطن يالهاشمي مـن غيـر قيـم ومن لحق فرصـه علـى الأمـه رطـن**ليـتـه رجــع وأستـغـفـر الله العـظـيـم إن شـي معاكـم حـل عـا معن **ـى وفـنقل لي ووضـح لـي جهـارك والسليـم وإن كان ماشي حل يـا شعـب اليمـن **قـاوم إذا حصلـت ضربـه مــن نسـيـم وختمهـا صلـوا عـدد مـا الرعـد حـن **علـى محمـد والعنـوا إبليـس الرجيـم والآل لــي أدوا الفـرائـض والـسـنـن **كـل مـن تبعهـم يدخـل إجنـان النعـيـم الشاعر الكبير حسين المحضار |
مدينه حضرموت فرصة من العمر ياليتها مانقضـت فى تريم المدينة علينـا مضـت عند المحبين لى بعدهم ما اغمضت مقلتى لا ولا ذقتـه لذيـذ القـوت وشوقى الى الـغـنـاء مـديـنة حضرموت ايامهم والليالى تمر فى انس بس ما ودي الا معاهم وبـس ووجوهم مسفرة ما دخلهـا غلـس يخرج الضيف مما شاهدة مبهوت وشـوقـى الى الـغـنـاء مـديـنة حضرموت عديت فى سفح عيديد ولحقت عد كل ضامي وعطشان فوقة يـرد ماحقت عدد محاسنه ولو جيت عد ايش لبنان وايش العاصمة بيروت وشـوقى الـى الـغـناء مـديـنة حضرموت ولقيت غـزلان مثناتهـا يرتعن فيهن العاتقة والتى علـى اللبـن واللة لوما رميت السلب من زمـن ما بظنى يخالـف ميزري النبـوت وشوقى الى الـغـنـاء مـديـنــة حضرموت فارقتهم والدمع من عيونى سبـل التذكار فـى خاطـرى لا يـزل يا ريت لى عندهم كـن ولا محـل يكفل الراس لو حتى ثنعشر فـوت وشوقى الــى الـغـنـاء مـديـنة حضرموت |
حسبتو الدباسه يالباناعمه سهله بغيتو عسل مدبوس من كلمات والحان الشاعر = حسين ابوبكر المحضار الله يرحمه طلعت الجبل ودبست جبح العسل كله == ولي قال عاد الدبس مبعد قرب حله صبح عالمقد مزقول ياوحلة الوحله == على هامته منكوس حسبتو الدباسه يالباناعمه سهله بغيتو عسل مدبوس رمى الحبل لكن ماوصل في الجبل حبله == وصدفه قفز لكنه الا قفز ظله ومن يمسك الكمبار يغدي مية وصله == وراه هو سلب مفحوس حسبتو الدباسه يالباناعمه سهله بغيتو عسل مدبوس ودي مايشاور في طريق الهوى خله == يزل من طريقه كل ساعه تجي زله ودي يعتمد في كل حجه على عقله == يكله الدحل والسوس حسبتو الدباسه يالباناعمه سهله بغيتو عسل مدبوس طريق الهوى فيه العراقيل والسله == ومن هو محب مارد يمشي على رجله يشوف الامل يسطع قباله كما الشعله == وقلبه يدق ناقوس حسبتو الدباسه يالباناعمه سهله بغيتو عسل مدبوس انا قول ان المال مابيننا جمله == ولانا موافق ساس على قسمة الغله وان وافقو بعض القبايل في القبله == على حكم با كردوس حسبتو الدباسه يالباناعمه سهله بغيتو عسل مدبوس |
خـطفـت قلـبي ـــــــــــــــــ خـطـفـت قـلبي لأنك ما تخاف ***وولـفت في عشقتك عـالاختطاف عـشـقـتك مثل البروق الخاطفة خـلـك مـع أهل القلوب النظاف*** لا تـنـقـلب كل ساعة عا صفه _____________ مـا بـيننا في المحبه شي اختلاف*** وانـك تحب اقسم الحب بالنصاف لا تـشـل لك قسم فوق الـناصفة خـلـك مـع أهل القلوب النظاف ***لا تـنـقـلب كل ساعة عا صفه _____________ الـحـب لا تحسبه باء نون كاف ***الـحـب إحـساس ومعاني لطاف لا مـا تـلـطـف حـبيبك لاطفه خـلـك مـع أهل القلوب النظاف ***لا تـنـقـلب كل ساعة عا صفه _____________ لا تخفي المكر لي من تحت اللحاف*** والـود تـظهره في ثوب الزفاف وتـقـول لـلـنـاس أشياء زايفه خـلـك مـع أهل القلوب النظاف ***لا تـنـقـلب كل ساعة عا صفه _____________ صـعـبه محبتك ماهي بالصداف ***فـيـهـا حـملت الثقيله والخفاف وقـربـت مـنـك ونفسي خايفه خـلـك مـع أهل القلوب النظاف ***لا تـنـقـلب كل ساعة عا صفه _____________ أنـا إذا نـويـت بـاجيبك كتاف*** لـكـن مـنـا مـن الناس العياف لابـذلـت حـبـي لحد ما عايفه خـلـك مـع أهل القلوب النظاف ***لا تـنـقـلب كل ساعة عا صفه |
{{{{{ المحضـــــــار .... تحفـــهـ الساحل واشراقـــــة الحب }}}}} بقلم : عمــــار السالــــم 5 / 2 / 2013 م مهما بحتنا عن مفردات في قواميسـ لغتنا العربية فلن نجد مفردات نمتدحـ بهااا شاعرنا وملحن الاغنية الحضرمية الاصيلة /السيد :حسين ابوبكر المحضار..{{ تحفـــــهـ السااحــل واشراقـــة الحـــب..}} انناا في مثل هذا اليوم الموافق 5 / 2 / 2000م ودعنا شاعر وملحن الاغنية الحضرمية السيد/ حسين ابو بكر المحضار والاعين تفيض دمووع ُ لرحيلهـ ومفارقته الى متواه الاخير في مقبرة الشيخ احمد بجوار منزلهـ بمدينهـ الشحر .. عاشـ شاعرنا وعاشـ معهـ {{{ الحــــــــــب }}} الذي لم يكاد يفاارق قصائده الذهبية فالحب والمحضار هما أسماً واأأحد لا يفرقهماا مفرق فصلة القرابهـ بينهماا لاتكااد توصف بالركاكه ... تغنى شاعرنا بالحب وجعلهـ مطلع للعديد من لقصائده الذهبيهـ والتي نستلهم من خلالها عفة المحضار وإدراكـه بما تحتويه هذه الكلمة من معاني ساميه ونبيله حيث كانت ومازالت ذهبيته التي قاالهاا في الحج اقوى دليل مبرهن لناا على قوة ايمانية صادقة للمحضار بالحب فقال :: لبيكـ رمز الحب ..لولا الحب ماعاشو محبيك ولاطلع انسان .. من ارضهـ الى مكهـ يلبيكـ يارب وفر حبنا فيك.. وعمدنا عليك لبيك اللهم لبيك وعلى ذكر ذلك الحب فقد وصف شاعرنا المحضار بان الحب ــ شغل ــ من اشغاالهـ التي يماارسهاا على مدار حياته وذكر معاني جميله لا تكاد تنقطع بحبل الحب عندما تغنى وقال : بالحب قلبـي والوفاء ممــتلي .. والود والمعـــروف شـــغــــلــــي ماعيب حد يغلب علي اصلي .. حتى ولو شفت الدلائل والقراين ............ الناس فــــــــــي الدنيــــــا معــــــادن ....... نعم ان الناسـ في الدنياء معادن لكن قل ما نجد في الناسـ معدن يشابهـ معدن شاعرناا الذهبي حسين المحضار الذي كان معدنه قد اذهل جمووع الشعاار والملحنين والاوساط التي عاشت معه وروت لنا مدى تواضعه الذي لايوصف بوصف ...فقد قال شاعرنا المحضار في وصف توأضعهـ :: ليش أنا بادعي من فوق والناس تحتي .. بانزل عندهم حتى يسمعون صوتي مامعي سر مخفي أو تجارة وصفقات .. لم يكن شاعرنا المحضار من طالبي التجارة او الصفقات حيث فضل ان يكون فقيراً بين بني جلدته الذي كان يجالسهم في مقاهي لاحتسا الشأأي وجلسات الافراح والاحزان والذي قيل انهاا لاتخلوا من شخصيه المحضار حيث كان مهتماً بمشاركهـ ابناء الشحر افراحهم واحزانهم.. لم يكن ــ الحب ــ عند المحضاار مجرد حب ذات او شخصيهـ فقط بل استمد ذلكـ الحب لكي يكون مرتبط ارتباط عميق بالوطن الذي لطالما عكست اشعاره مدى حبه للوطن عندما يحين وقت السفر والغربة خارج ذالكـ الوادي الذي احب ان يكون عصفوراً محلقاً بين اغصانه ..فقال في حب الوطن ذهبيته الشهورة : حبي لها رغم الظروف القاسية رغم المحـن حبي... لها أمي سقتنا إياه فـي وسـط اللبـن إن عـشـت فيـهـا لأجلـهـا عانـيـت وان غبـت عنهـا أنــا لـهـا حنـيـت والحاصـل إن الحـب شـي مالـه ثـمـن ... أحببتها في ثوب بالي عيـف أبـلاه الزمـن...... أحببتها والسل فيها والجـرب مالـي البـدن وسكنـت معهـا تحـت سـقـف البـيـت وكــل مــا أنـــتّ أنـــا انـيــت وصبـرت حتـى طـاب عيشـي والسكـن ..... وقال في اوبريت :: بلادي لو عيش شاوي وراعي ضـــون فرقة الدار صعبه محينه والعشق بلوه غصبه نقلني ونا في الخـــون لامثاوي ســــعاد الزبينه نا فيش حبيت يامشقاصيه رحيمة لــــــون بعد ماشفت سيرتش زينه وقال ايضاً :: قريب بابدل بداري دار معموره وديره غير ذا الديره لكن قلبي مارضي يختار غيـر الشحـر لاوليته الخيره حبـه وتقديره لها من سمح ولها العز والمقدار دار الفلك دار وعزمت السفر دار الفلك دار _____________ وطني وفيه الساس والآثار به نسعد ونتأثر بتأثيره دايم ونا فوقه محلق فار حاشـا تهجر الوادي عصافيره تزدنـي الغيره ونتشوق إلى شمسه وظـل الغار دار الفلك دار وعزمت السفر دار الفلك دار صدقت يامن قلت بان الحب لا ولن يكون لهـ ثمن وعشت حراً حتى وان كنت لابسـً للثياب الباليهـ وعدم مفارقهـ الوطن مهماا كانت الاوضاع ومهما تعقدت ..كم جسدت هده القصائد وغيرها الكتير في قلبي روح الحب للتربهـ الحضرميهـ الاصيلهـ والاشتيااق لهاا.. اما عن حب شاعرنا للوادي الشحري الذي عاش محلاقً في ربوع اركانهـ يجني من رحيق ازهاره العدبهـ فقد قال: شفنا كما الطير لي هو دوب شادي ويعيش فوق الشجر مابين اغصــــانها رايـــــح وغــــــادي وان هزه الشوق فر سل عن نشيدي و فني كــل وادي وتخضر العشب مني والبواســـق و الســمر و القتاد في خير أنت وأنا، ونلتقي في سعاد يانور عينــي ويابهــــــجة فـــؤادي على فرقتك ماقدر مابين عينــي وبـــين النـــوم بادي بيت حليف السمر ذا ايش من حب احرمني رقادي؟ ذا ايش من حب كل ماجيت با نقصه على الوهم زاد في خير أنت وأنا، ونلتقي في سعاد بانلتقي في سعاد ...عباره يرددهاا الكتير من الناسـ الدين احبوا الشحر بتراتهاا الزاخر وبديع اخلاق اهلها الدي كان في مقدمتهم شاعرنا المحضار والدي رسم للشحر مكاأنه عاليهـ في دول الجوار العربي والاسيوي.. وكان لمحضار نصيباً من الغربهـ والابتعااد عن سعاد وقد كتب في عن فراقه لمعشوقته الشحر ما يقرب من العشر قصائد التي تألم فيه واحب قلبه على فراقها ..... وتحين لحضهـ العوده ...او الاشتياق للعوده... او التجهيز للعوده... عندما يقترب موعد العوده الى الوطن لاتكون هناكـ حواجز او ممنوعاات فكان المحضار يتعدى اللواح المروريهـ مهرولاً الى سعااد الحضن الدافئ فقد قال في احدى ذهبياته عندما كان عائداً الى الشحر: مشينا بها في الرمل مشي المجانين = عشان مافي القلب من شوق وحنين لاحبابنا لي في سعاد الزبينه = محد يلومه من يفارق ضنينه 100 يمشي السواق و120 = لابايهون قلت من غير تهوين نريد المعزه مانريد الهوينه محد يلومه من يفارق ضنينه * * * مسيكين من فارق حبيبه مسيكين= كان حد يقطع في فؤاده بسكين ولاحس ساعه بالهدو والسكينه = محد يلومه من يفارق ضنينه * * * متى بانظر سمعون وكثيبه الزين = وبشرف ع القريه ومطراق حنين ونوب العسل في الجبح بسمع حنينه= محد يلومه من يفارق ضنينه يستحق المحضار بان يمشي 120 حتى يصل بسرعهـ وينظر وادي سمعون الذي لطالما جلس مختلياً فيه يجني من عبير نسائمهـ .... ومطراق حنين الذي كان المحضار يتردد عليهـ يومين ذهاباً الى السوق والعوده لبيتهم من خلالهـ ..والتربهـ التي لم يلقى في العالم غيرهاا ... ما أجمل هدا التصوير لسعااد الزبينهـ ان الحديث عن{ الحب والمحضار } رحلهـ لاتكاد منتهيهـ ولا تنحصر بمكان او زمان فالحب عند المحضار هو التواضع هو الخلق هو الصدق وكل المعااني الساميهـ والراقهيهـ.... لعلنا اخترنا في هده الدكراى الـ13 الحب لكي يكون عنوان هده الشخصيهـ البارزه في كل زمان ومكان.. ومادام عتم الهــــوى جــــــاري *** وجـيرة الحي ياخير جـيره بـهـم نلتقي لا طـــرى طـــاري *** وإهل السبب يفقعون الطـار نعم فياحبذا ان يكوون عتم الهوى جاري في قلوبنا يدكرناا بالمحضار تحفهـ الزمان ... واصطوره الحاضر. لا اريد ان اجبر قلمي على التوقف هنا عندما صارحني بانهـ لايريد التوقف وهو يقول ــ لم اكتب من الموضوع سوى المقدمهـ ـــ اجبتهـ :: اخاف يا ايهأأ القلم ان لو ابحرنا في هده الرحلهـ لم نستطيع العوده فأنا لا أحب مفارقهـ حبيبتي سعااد {{ كم انت عظيم يأأمن جعلت للحب مكاأأنهـ رأأقيهـ في في مجتمعكـ المشهوود لهـ بالحب }} رحمهـ اللهـ على شااعرناا وقدوتناا الوالد السيد /حسين ابو بكر المحضار واسكنهـ فسيح الجنان انا للهـ وانا اليهـ راجعون |
|
يـالـمغتـرب ـــــــــــــــــ قـل مرحبا للوطن لاقد دعاك الوطن فـي حـلـها ما تعزك غير أوطانك يـالـمغترب وسط إبطك حط ميزانك ________________ الـشـحر تدعيك ويناديك بندر عدن ارجـع إليهم وعد عـا حاسب عدانك يـالـمغترب وسط إبطك حط ميزانك ________________ ومـلابسك في الملفه عادهن مارتمن فـوطـتك وشميزك الـبني و رمانك يـالـمغترب وسط إبطك حط ميزانك ________________ والخير موجود في شبوه وشي في مَدن والـخـيـل خيلك وذا الميدان ميدانك يـالـمغترب وسط إبطك حط ميزانك ________________ لـحـد يغرك يصورلك ورامك سمن لاالـدار دارك ولا الـسيمان سيمانك يـالـمغترب وسط إبطك حط ميزانك ________________ مـن قـال وجـهتك لاوين قل لعدن قـوي بـحـب الوطن دينك وإيمانك يـالـمغترب وسط إبطك حط ميزانك ________________ الله يـعـز مـن عـزك ولقاّلك ثمن مـالـيوم يالاس خايف تنقص أثمانك يـالـمغترب وسط إبطك حط ميزانك ________________ وديـار غربتك لي حصلت فيها مكن لا جـيت قريتك تذكرهـا بـأمكانك |
|
|
مالك ومال الناس يا عامر مالك ومال الناس يا عامر الكون مهما تدعي معمور شف عاد منت الناهي الآمر شف عادها تغباك بعض أمور شف عادها الغلطات عندك في الدفاتر راجع حسابك وافتح الدفتر ياللي بعثرات العرب مسرور .... مالك عذر ما تعثر .... لا تقول قدنا في الهواء شاطر مني صبح حيد الرضم مشطور إسأل على ماضيك والحاضر والناس لي كانوا معاك حضور لكنني عارف جواب الناس جاير كل من عصب رجله يستحق الجر ياللي بعثرات العرب مسرور .... مالك عذر ما تعثر .... سر و إطرح الحافر على الحافر حتى ترى صم الحجر محفور النطنطه ما ودت الساير خلته واقف فوق باب السور ولعاد شي مثل العزم لا قده قاصر ما هو انا صاحبي لي قصّـر ياللي بعثرات العرب مسرور .... مالك عذر ما تعثر .... لا تكشف الأسرار يا ساتر ما دام حالي بالهواء مستور كأس الموده لم يزل داير ماحد يلف من خلفنا ويدور وإن حد ظهر من خلفنا إنسان غادر قله عليك الليل قد غدَّر ياللي بعثرات العرب مسرور .... مالك عذر ما تعثر .... دعني وشاني في الهواء صابر لو تمتلي نفسي الى الصابور مابا أشكي حالي ولا خابر إنسان ما هو في الهواء مخبور بشكي الى الرحمن علام السراير إذا دعيته سر قلبي سر ياللي بعثرات العرب مسرور .... مالك عذر ما تعثر .... |
اقتباس:
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] عديم الود بـه ريت اللقاء ماكان الله يرحمك يابومحضار جزيل الشكر ياوجة الخير |
ما حد يجيب الخبر نفس الخـــــــبر لا زم يحطون للصــافي غشــر وان كان شافو سحب فوق القمر فقعـــــــو بطيرانهم ولقـــــــو البطيل الصدق والكذب من صنع البشــــر لكن لي يصنعون الصدق منهم قليل ذلا سحب صيف ما تلقي مطــــــر وجهــــــام كل ما طلـــــع جلبوب مر جــــــــوالسماء ما تكــدر واعتكر والشعب مــــــا شي وقع به والنقيـل الصدق والكذب من صنع البشــر لكن لي يصنعون الصدق منهم قليل النقش في الساج يصلح والحجر ما يصلح النقش في عـــــود العشــر في المنجره ما يقبلوه النجــــــــر وان كان في النار ما يشعل شعيـــــل الصدق والكذب من صنع البشـر لكن لي يصنعون الصدق منهم قليل كلين يعرف لتخطيط الســــــــــتر يا ريت تخطيتهم يــــرسم صــــــــور ذلا تهاويل تخجل مـــن عبــــــــر لا نفــــــــع فيها ولا منظــــر جميـــل الصدق والكذب من صنع البشـر لكن لي يصنعون الصدق منهم قليل |
اقتباس:
ترجمة بعض الكلمات ودبلجتها لغير الفاهمين لمعانيها الصحيحة : 1- البطيل : الباطل 2- فقعو : ضربو الطار 3- غشر: مايخرج من الحب بعد تصفيته 4- جهام : السحاب الخفيف 5- جلبوب: قطعه من السحاب 6- الشعب : الجبل 7- الساج : الخشب القوي 8- العشر : نوع من انواع الاشجار خفيف العود 9- الستر الجدران 10- عبر : مر او عدى |
عسى بحر الهوى بعد الزعل يهـداء ويـرجـع كــل غـايــب لأ وطـانــه وشرناها من الشتري الى الشلمان وصبحـت جاحبـه عايـد بـن سيـفـان نواخيـذ السفـايـن ماعليـهـم مــان ولافــي صـاحـب الـديـره امـانــه عسى بحر الهوى بعد الزعل يهـداء ويـرجـع كــل غـايــب لأ وطـانــه قصر به الجوش من بحريته غشمان يقصون الدقل من قبل شي طوفان بغوها غصب تمخر في غبب سيلان وهـي قدهـا مـن الطرشـه ملانـه عسى بحر الهوى بعد الزعل يهـداء ويـرجـع كــل غـايــب لأ وطـانــه انا عارف شروط الجوش والديمـان وعـارف ان كـل موجـه لهـا دفّــان ولا هلـب اذا ماشفـت برلـي بــان نــــدور عـامـكـايـيـن الـصـيـانــه عسى بحر الهوى بعد الزعل يهـداء ويـرجـع كــل غـايــب لأ وطـانــه درست العشق بحري قبل قع ربّـان وبحر العشق مثل البحر لـه وديـان وحد يدخل يجيـب اللـول والمرجـان وحــد مـاجـاب حـبـه فــي ثـبـانـه عسى بحر الهوى بعد الزعل يهـداء ويـرجـع كــل غـايــب لأ وطـانــه ولابـاقـول خـيـره عـادنــا حـبّــان وعاد العين ساكـن وسطهـا انسـان وعاد القلب في بحر الهوى له شان ونفـسـي مــاروت مـنـه ظـمـانـه عسى بحر الهوى بعد الزعل يهـداء ويـرجـع كــل غـايــب لأ وطـانــه |
قلبي في القطن قاطن والشف شف العنيـن لاتنكرونـه مواطـن لــه نـخـل فيـهـا وطـيـن وان كـــــان جـــــارت وشــحـــت سـنـيــنــه وحـــنــــت مـســامــيــر بـــــــم الـمـكـيــنــه ولـــعــــاد حـــصــــل بـــــــن آدم يــعــيــنــه ربــــــــــــــه مـــــــعــــــــه بـــايــــعــــيــــن ياسـارح القطـن سلـم لـي عـلـى القاطنـيـن لي يبحثوا عالمعادن في القطـن متواعديـن كل من خرج جاء بضامن وانا ندور ضمين قــلـــبـــي الــيـــهـــم تــــزايــــد حــنــيــنـــه لـومـاصــروا فـــــي الــوقـــوت الـمـحـيـنـه كــــــل عـــــــام ودي الــيــهـــم ضـعــيــنــه بــــــخــــــرج مــــــــــــع الــضــاعــنـــيـــن ياسـارح القطـن سلـم لـي عـلـى القاطنـيـن ماحرك الصبر ساكـن والدهـر بيـده سكيـن والحب تحـت المطاحـن بايخرجونـه طحيـن والــصـــدق بـايــبــان ســـاعـــة عـجـيــنــه مـنــخــول ولا انــطــحــن هــــــو وطــيــنــه عـــلـــى الــعــمــل والايــــــادي الامــيــنــه الــــــــــنـــــــــــاس مـــســـتـــامــــنــــيــــن يـاسـارح الـقـطـن سـلــم لـــي عالقاطـنـيـن صرع الشتاء والبطاين شلوه اهـل البطيـن قطعـوا وفكـوا الرهايـن كلـن بعهـده رهيـن يـابــخــت لـــــي مـاحــنــث فـــــي يـمـيــنــه وعـــــــزز الـــنــــس قــــبــــل الــهــويــنــه خــلـــى عـــمـــر هــــــو ويــــــا بـامـتـيـنــه الله حـــــــبــــــــلــــــــه مــــــــتــــــــيــــــــن ياسـارح القطـن سلـم لـي عـلـى القاطنـيـن |
سهرة دان محضارية من الذكريات سمرة دان في الشحر مساء يوم الجمعة 17/3/1995م الشعراء هم :ـ 1ـ الشاعر الكبير حسين ابو بكر المحضار 2ـ الشاعر صالح منصور بانتيش 3ـ الشاعر جمعان مبارك بن جوهر 4ـ الشاعر صالح عبيد باظفاري المغنين هم :ـ 1ـ سعيد صالح بن رمدان 2ـ عوض عبيد باظفاري 3ـ محفوظ ربيع برخه . ــــــــــــــــــــــــــــــــــــــــــــــــــ ــــــــــــ 2 الموضوع السياسي المحضار :ـ اذاء د خلت السوق حذرك تشتري غير الذهب وان خذت غيره بانلومك في مجيك والذهاب بن جوهر:ـ وانباع وشره هكذا هو لي يدليك العجب والمشكلة الدلال لدلال في صحبته عاب نجوم جم غابت وياكمين زاهر قد غرب وانك مساهن خير ماشي خير من ذلق الغراب بانتيش:ـ امنت في الدلال من بعد الامانة انقلب وان جيت راجعته يقول الحي دار الانقلاب المحضار :ـ الموسم الا زين والحراث منه قد صرب وايش بعمل لك لا مالحقت قسمك في الصراب بن جوهر :ـ قل العمل ماشي وواقعنا تعطل وانخرب لما متى باحل وبمدح فيش يادار الخراب بانتيش :ـ الخير منه خير وايد والمهب منه مهب ومن ولف مقسمه جم يحمس اذا حصل هباب باظفاري :ـ ماشي تفند واعترف ماغير ياناهب نهب الوقت خلانا من الدره نصك داري نهاب المحضار:ـ تقول باسافر ولا سافرت عقلت الركب لما مامعك موتر سرح حمل حمولك عالركاب بن جوهر :ـ وحلت فيهم كلهم لقوا لنا في النيل شب و ضيعوها بيننا تعبوك ياشيبه وشاب والحبل في الجدله وياساحب على بوها سحب ولا همرنا الشمس تشرق او تجي فوق السحاب باظفاري :ـ غروك بالمظهر ونصبوا لك في الساحة نصب كذبوا وقالوا لك مكانه ماكمل عاده النصاب المحضار :ـ الصاحية في الحوش ماتجلس مع ام الجرب حتى اذا رضيوا وجابوا قوتها وسط الجراب بانتيش :ـ هونت لي جم يابو فرج ماقضيت لي ماوجب محد يؤمل في النظر والذيب مسنون النياب عزم السفر بيجي بوقته لاقد الطالب طلب مترقب الفرصة ومتسهن خبرهم والطلاب بن جوهر:ـ لو ماحكيت الصدق بتصلك الملامة والعتب ولعاد بانقبلك في سيحوت والا في عتاب يصيح من ظهره ومن رقبته بو زيد ارتقب والوعد بالعقبة الطويلة ياطويلات الرقاب بانتيش :ـ مصموم عظمه في الطرق يهشل وماالزاحف عقب من رك عظمه يهمر الدحقة ومطلاع العقاب المحضار:ـ نهار شل المثقلة خلاك من بعده مخب وانت تقول اليوم ماينفع وفيه الظن خاب بن جوهر :ـ الجهد والمجهود بت عالقات وياشارب شرب وانت لقط وحده مسك عالقات والا ع الشراب باظفاري :ـ تعب في العقبه ولا شل الحموله ع الكتب عمره بعير المعصره مايوم وصل لك كتاب بن جوهر:ـ ماشي حبوب الرأس لا راسك من الباطل ضرب وفي الميه تسعين عايشكون من جور الضراب بانتيش :ـ غيره تحتل في الثقل لمان قلبه انقطب ومن صبر حصل في اجبوح العسل رسى قطاب انت ونا داري منين الضر ومنين السبب كل من ذرى حيله صرب له اثم والمكسب سباب المحضار :ـ تشتكي من النخلة وعنوتها وعينك في الرطب واللي يحب مايترك الحالي واغصان الرطاب بن جوهر :ـ انت تذكرنا وجاء الثاني في المنبر خطب قل الثقه فيكم ولا نقبل لحد فيكم خطاب لاشفت مول الحبل راكب انت ع خيلك ركب المخرجه ماشي قنع لما يحطين الركاب بن جوهر:ـ ذا خرج فصل والثاني بعير المعاصر ماكلاء القوت يوم التخ في السوق معدوم المحضار :ـ كلها سهرة الليلة قواري وباعر والخيول اختفت لي ساقها ساق مصموم بانتيش :ـ من صحابك قبل من شان جبر الخواطر كل ما دعيت من سالم يجاوبك سلوم باظفاري :ـ كان عندي امل ساهن وصول القواطر كان طول سفرهن جانا الضيق باقوم بانتيش :ـ كل مصموم يظهر في انهار المظاهر والذي يختفي عده مزكوم ومليوم . بن جوهر :ـ باتبين لنا موضوع لا قدك شاطر وين حسن العلاقة نا مقيد ومعصوم المحضار:ـ المحبة بغت انسان زاكي وصابر يقبل الزين هو والعوف والخل والثوم بن جوهر :ـ كيه سكت في ذا الكي لا تخابر فيش من صبر منه باتنوى وباصوم باظفاري :ـ المحبة تعب والعشق ياحسين قاهر المحبة صعيبة عذبت الف صمصوم المحضار :ـ ايش من فرق عندك بين صائم وفاطر قدك صائم صبر ولعاد تفطر على الدوم بن جوهر :ـ بالكلام البتي يستبشرين الخواطر وين ذاك الزمن وين جعفر وفلهوم باظفاري :ـ مامعه حال يتحمل يصوم الاواخر كوده ان صام يالمحضار كمل نص اليوم المحضار:ـ ماتحس بالمحب الا ولك جاك زائر وين باتطرحه ماشي معك دار منظوم بن جوهر :ـ لا وصل صاحبي بحير وبلقي محاير والمغاريم بايعقلون كمين مغروم . بانتيش :ـ قنع القلب لا تسهن فريق السقاطر تمرهم دنينه يصبح في الدرع مرزوم لا متى الصبر قدنا الا من الصبر حائر وعدهم طال ماله قط ميقات ونجوم باظفاري :ـ نا معي قلب يقبل مامعي شي عماير لا وصلنا المحب عالرجل له غصب باقوم بن جوهر :ـ قد درست الهوى في ثلات عشر يناير كننا قنعت في التخطيط وقنعت في القوم المحضار :ـ ساهن الا الحيا لاتساهن اهل المقابر رتب الفاتحة والباقي الله ويدوم بن جوهر :ـ لا تحاذر في الموضوع والا تكابر كله النخل حقك جابلي خوص وجزوم بانتيش :ـ خذ وهت يازميم القوم حاضر بحاضر واحمد الله على النعمة اذا قدك منعوم باظفاري :ـ ترك القبولة البدوي وباع الميازر شلها بالحتامة ود جابر وباعوم المحضار :ـ شلوا التمر ماخلوا لك الا المثامر كل مخلوق من مولاه له رزق مقسوم باظفاري :ـ شلوا التمر لي سرحوا وتركوا خشامر مسكوا البحر دخلوا كلهم داخل البوم بانتيش :ـ لاتقدر وفوق الناس والي وقادر واحتكم لسؤا لقالوا الناس محكوم بن جوهر:ـ قدك عشره شهر وانت في البحر شامر عاد ماوصلت الى باريس والا الى الروم المحضار :ـ يشتكي حصن بن عياش من دار ناصر جاب عده معه ووصل بمزحاة وقدوم حبيشي :ـ باب مفتوح لقوا على الباب ساتر الحذر قد وجب لا جاك حد شخص مدعوم بن جوهر :ـ عاتهد عاتهد بالسيف والسيف فاتر هات لي الصدق يالصمصوم مالكذب مايدوم بانتيش :ـ من شكى عاد لشكوات اول وآخر شهود وانصاف ينصف كل من كان مظلوم المحضار:ـ يارعى الله زمن كنا نحل البنادر انما اليوم لقينا غنيمات وصروم باظفاري :ـ باظفاري وصل غابت عليه الزواهر والجماعة وراهم خربطوا بين لقسوم بانتيش :ـ الادمي يعتبر من قبل دور الدوائر وكتم السر خل السر في القلب مكتوم بن جوهر:ـ العيل غايره والقير والهبس غاير شل موترك من فوه وده الى بروم المحضار :ـ خلنا لا تهدهدنا على شور عاثر الطمع قد تقسم بين سيبان وحموم بن جوهر :ـ كل بونا سرق في القضية نغامر في الميه مانحصل شخص عاقل وصمصوم المحضار:ـ انقضت وانتهت والله يعيد المسامر بعد ذا اليوم نتلاقى على يوم معلوم . |
ورى التنـّــــار .. من فكاهيات السيد المحضــــار./رحمه الله =========================== ورى التنّار ذه الأيام واهد = ورى التفله خليّه والمشاكيك ووين الصيد كن الحوت شارد = تعلّه يالمهب له بانوصيّك ------------------------------------------------------------------ وين الصيد ليهو كان واجد = طلع لا فوق طفّشه سعد دعكيك وجبنا الفرن من بعد المواقد = خصاري منه يطلع عينة الكيك ----------------------------------------------------------------------- ومن بعد السّره يامانكابد = رجولي والركب فيها تصانيك ورى الصيّاد ما يبغى يساعد = بغى الا بايصك الناس تصكيك ------------------------------------------------------------------------- بغى أربع ميه في حوت واحد = ومعرص عيد بايتكتكه تكتيك ولا جاء حد معه عدّي زايد = وتم البخص في أهل المحاويك ------------------------------------------------------------------ وعاده كل ليله في الموالد = وبعد الظهر جاء للسوق ياديك وقال انه تعب وسهر وجاهد = وقام الفجر ساعة يصرخ الديك --------------------------------------------------------------------------- ويحصل كم وكم مركب يطارد = يفك الليت له مثل الأتاريك يظلي يوم في الصنبوق قاعد = إذا ما جاء شي حركه تحريك ----------------------------------------------------------------------- وبحره ماهو عاحسب العوايد = بغى آلات ومكينه تماتيك ولا ندري مع من هي الفوايد = معه ولا مع هذا وهذيك ----------------------------------------------------------------------- ومادلحين جاء الكيلو مساعد = وزن حقّك وحطّه في أياديك رخيص السعر ومثلّج وبارد = بغى له ملح وبغى له تباتيك |
من رؤائع شاعرنآ الراحل /حسين المحضار صبك يادمؤع الشوق .... ================================ صبك يادموع الشوق ثاني ساخن مابرد لو برسله لما الشحر عاني ماظني يرد بايوصل لها والهند تخلف للهنود قلي يازمان الوصل إمتى باتعود إمتى باتعود ================================ محلى الهند حتى في لساني لاكنا نكد مانرتاح إلا في ماكني حيث أصلي وجد كل ماغبت عنه يوم له راسي ينود قلي يازمان الوصل إمتى باتعود إمتى باتعود ================= ============== كل ماشفت في الهند المباني مبنيه بجد شوقت لادار البياني ومثاوي عسد ومأثر في الوادي أقاموها الجدود قلي يازمان الوصل إمتى باتعود إمتى باتعود ================================ كل ماشفت فيها غصن داني ظلة مستمد قلته عندنا مثله مجاني تبقل في خرد فيها طب للأرواح وشفاء للكبود قلي يازمان الوصل إمتى باتعود إمتى باتعود ================================ با أرضي وكل ما كاني جاني من خلي يسد لوشعبك يمانه في يماني وتكلم بود هذا قده منه جود ما اعظمه جود قلي يازمان الوصل إمتى باتعود إمتى باتعود |
الهوى والناس والدنياء عصابه ----------------------------------- باصبر والصبر اولى ماوقع لي حظ ونصيب ..كلمات الشاعر/حسين ابوبكر المحضار .رحمه الله. --------------------------------------------------------------------------------- الهوى حاكم مسلط عانفس غصب وقلوب لاحكم مافي حكامه شي انقلابه كم وكم خرج صاحبه من رواشين وغلوب بعد ريح النصر حسوا بالغلابه راحته والله تشبه عذابه ..فيه ياكم شفت من راحه وكم شفت تعذيب باصبر والصبر اولى ماوقع لي حظ ونصيب -------------------------------------------------------------------------- وقت يسقيني عسل من جبح ماغبه النوب لارضي واوقات يجرحني بنابه تمضي الايام ناواياه ركضه بقيروب لا مني المبعدونصحوني القرابه الهوى خابي حنش في جرابه ..اختبرته من زمن صغري وجربت تجريب ---------------------------------------------------------------------------------------- لارعى الله الهوى ذي ماركب فوق تركوب ذوب واهل العشق خدامه ركابه لابكا داؤد ينفعهم ولاحزن يعقوب عندما تنزل بهم نقمة عقابه كم وكم من شاب ضيع شبابه ..في الهوى لما تبيض دومة الراس وتشيب ---------------------------------------------------------------------------------- استلي واضحك ونا راسي من اللطم معصوب الهوى والناس والدنيا عصابه لاشكيت الحال قالوا لي مقدر ومكتوب لي كتب مبعد رضي يمحي الكتابه عاد شي دعوه من الله مجابه ..لي بها للحب بانقضي جميع المواجيب باصبر والصبر اولى ماوقع لي حظ ونصيب |
في سمرة دان أقيمت ب (تريم ) مساء يوم الاثنين 22 / 12 / 1980 م بيت ( كرامه الربا كي ) , وحضرها الشاعر ( حسين ابوبكر المحضار ) والشاعر ( علي سالم مسيعد ) تمت هذه المساجلة والمغني في السهرة ( عوض يسلم برك ) .. المحضار : يا راد يا عواد نسنس و الخبر يسرح به السارح في دار بالغنا نشم المسك فيها فاح يا البلبل الشادي إذا غنيت تلقي للغنا ترتوب با عبر السهر أنا وإياك عا عزه وناموس مسعيد : سلام من شاعر على من ترك المسلف لنا بارح ما اليافعي نعمك غلب ما ضيع المفتاح بسفينة الباتر إذا قد قال كلمة فوقها مصلوب لا زم يطبقها كما ما طبق أمريكا مع الروس الحمضار : ليلة نويره لا بلاء فيها قرح قارح ماغير صوت ألدان لي به خاطري يرتاح نا ويا صاحبي لي يحبون السلا ما يتركونه دوب باتوا أحيا والحاسدين أنيام في الغوضات ونعوس مسيعد : ياخير ليلة قل لبو محضار فيها الصفو جم ذا لح وان عادها إلا زاد با يذ لح من المذلاح وكل سالي با يصل يوم السلا يا صاحبي محبوب والبخص عاللي ما حضر با بيات طول الليل منهوس المحضار : الأنس شف قد له مواقع من قديم ومطارح تتنشط الأجسام فيها هي ويا الأرواح من بات في ألغنا وضلى في الطويلة حصل المطلوب جبر الخواطر طبع في الإنسان ما يبتاع بفلوس مسيعد : صاحبي لي حبه إذا أخطأ أنا وده وله سامح قلبي يصوب قال بن سالم علي بجراح ماحد صبر صبري في الدنيا ولا حتى النبي أيوب وان كان ليلة ما نظرته بات فوق الفرش منكوس المحضار : من حب حد وده بما جوده إذا شافه محب ناصح مشكل إذا قد صاحبك لا شل قصده راح ولي شلك تسهر وتتعذب وتصبح في الهوى مغلوب كلن هدأ بحره وبحرك مثل بحر الهند معكوس مسيعد : واقف مكاني ما قدرت أمشي نشرف الجاي والرايح شونا مثيل الطير ما يمشي بدون أجناح وان جيت أنا با توب قلبي يا حبيبي ما بغانا توب ريت ألمحبه بالبيس با عطية عندي مال قابوس المحضار : ما حد يحب لي ما يحبه في الهوى من منكم رابح كل ما عطيته سر قلبك بالسراير باح أصل ألمحبه بالرضا ماحد يحب واحد وهو مغصوب والعشق مثل المدرسة يحتاج له تعليم ودروس مسيعد : قرصي مكانه مانجح وانته ضحك وقرصك زهل وناجح كل ما كليته قرم لقا لي وجع وارياح حتى العسل لي ما حصل يا ويلكم يا دابسين النوب يا قاسين القلب لي ما ترحموا شيبه يلا ضروس المحضار : كل من طلع قرنه دخل لما غزير الصيد ويناطح والنطح بعضه صدق ما هو كذب واتمداح لكن عاد الله فوق الناس يعلم ما في القلوب كل من نوى بالخير بيت من جميع الشر محروس |
سيد الشعراء الراحل الكبير حسين أبوبكر المحضار كان لصيقاً بالناس وكان يشاركهم أفراحهم وأتراحهم كان مرآة لمشاعر الشعب وقلب الجماهير بكافة أطيافها الخاصة والعامة لدى أحتل هذه المكانة العظيمة ، وهنا وفي هذه العجالة أشير إلى أحد قصائد المحضار والتي قالها في أحد أفراح آل مقسومه ماشي كما يوم الفرح ريت الفرح في سائر الأيام ============================ قالوا قسمها قلت مقسومه سبحان ربك بين خلقه عدّل الأقسام ماشي كما يوم الفرح ريت الفرح في سائر الأيام وتجمعوا في دار مقسومه ماحسبوا العداد لي يمشي ولا القسّام أما الغرابي مبعد أصرومه عمشوش ماجابه ولاموتر حسين أصرام يلوّح من حلفون إلى الحومه الصقر لي لوّح وفوقه حام الشيخ باعباد وعتومه تجري كما العادة خلت كل قاصر تام نفسي تحب الجبر ملزومه تقضي الليل كله زام بعده زام والعولقي محد شفع سومه بيده السيف لي حده ودلقه حاد صبح إلى البندر مع قومه خلّى الذي واقف قعد واللي قعد له قام مبروك للعرسان وسلومه السر لي أوصى به النبي في شريع الإسلام |
هذه مساجلة شعرية قيلت يوم الثلاثاء 23 / 12 / 1980م وصول الشاعر الكبير ( حسين أبوبكر المحضار ) الى مدينة سيئون وحضرها من الشعراء ( حسن عبدالله باحرثه وعمر محمد باعباد ) وغنى المغني ( عبدالله أحمد محروس ) والفنان بدوي زبير : واسهل السهرة الشاعر ( حسين ابوبكر المحضار ) بقوله : المحضار : ذا فصل والثاني على سيئون با سلم وعلى الذي فيها من الأصحاب والخلان وعلى ضباء يرعين فيها كنن في وسط المساييل ولعادنا داري بهن يا ألحارثي يوعين ذا الحين باحارثه : في جبر بو محضار أنا ذلحين با نجم با دير أفكاري وبا ظهر حقي البرهان باجيب له أخبار من لضبا بدقه مش أقاويل قانص خطفهن بعد ما قد كنن يرعين البساتين باعباد : الشاعر المحضار في الميدان متقدم يا مرحب به قولوها با لقلب والوجدان ضباء كثيره واجده والخوف من قوم المناهيل يوم الضباء فزعن من أصحاب السلابه والسكاكين المحضار : . دورت في الوادي ومريته وبسر وعدم وحسبتهن مثل الضباء يوعين في الوديان ولا توطن في ألوطا بين السواحل والغلاغبل والمشكل إن قالوا يرعين ما بين الدكاكين باحرثه : على الذي قلتوا أنا ذلحين با تمم لانكم أنتم لكم خبرة من الرميان تشبون في العرقه وتشبون الحسر هن والجواويل وخيولكم في كل ساعه تنطلق وسط الميادين باعباد : كل من نوى عالكي لازم ياعرب يعلم ونا بظني الدواء يوجد مع جمعان + قلبت موازين القوى ذا الوقت يا خوي التحاويل من هو على القاطر شرب ذا الحين من ماء المعليين المحضار : ما يستوون الناس حد ييبني وحد يهدم واحنا مع أعل الصلاح اليوم والعمران جبنا معلم زين وافي ومعه عمال وقبيل رجال ماخلوه واقف قربوا له التبل والطين باحارثه : وأنا على ذا الرأي با اعزم وبا صمم باحكم أسواسي وبا علي في البنيان ما نال وحدي جم من أصحاب بجنيي الرجاجيل حياهم الله الذي يمشون عالحق والقوانين باعباد : كلن بيده لأجل ذا المبنى وجب يسهم من شان يقوى الساس والسقفه مع الجدران نبوا على كلين نبغى يا أهل العصر وأهل الرماميل كلما طلعنا غنينا ورددنا التلاحين المحضار : إن كان هذا صدق في سيئون با خيم با قول خيره في السوح لي بن جوبان إذا صربتوا البر منه خرجوا خمسة مكاييل نحنا بغينا القوت و انتوا شلوا الرمان والتين باحارثه : حسين قل لي في الحديقه هو من يقسم يجني من أشجار العنب والتين والرمان تحت الشجر جالس يلقط هو بيداته من الخيل يهناه ذا مانا من الشاهي أبا خمسة فناجين باعباد : القوت لو هو واحد دائماً يسقم وأحيان أحسن يوم يبقى الادمي جوعان إن عاد شي دركه تلحق يا صحابي ليل وطويل وقت السلا والانس يسوى قدر عشرة ملايين المحضار : أنا هني كل من تخبر قلت له منعم لا هم من دنيا ولا غثوه من الجيران واذا ضوانا الليل جات الهدرسه وهي والتهاويل حتى العدو لا شافنا في حالتي با يقول ياسين باحارثه : يهناه لي هو في المساء والصبح متنسم وفوق هذا حاط في إيده خاتم سليمان ومعاه برحل حيت ما يرحل وحاشا الله ما ميل وهو ذكي ما يجلس إلا في الفوالق والرواشين باعباد : هت لي خبر واسط سرع يا الشاعر الملهم وأخبار لي في حصن بن عياش هم حلان نتعود أخبار الحقائق دوب لا قالا ولاقيل من عند بو محضار نسمع دوب أخبار المحبين ********وعلى صوت دان أخر ******** المحضار : ذا فصل في سيئون عن عاصةت سيوني سيئون عندي خبر من طنطا ومن أسوان لاجيتها يشتل مني الهم والدنيا تقع عيد باجي لها لو ضعيف الساق نتوكأ على عود باحارثه : يامرحبك في الطويله منبع إفنوني انستنا وارحبت يا المحضار يا الفنان منك لاهل العشق والعشقه يتمين المقاصيد منبيت واحد من بيوتك ينقضي له كل مقصود باعباد : سيئون فيها الماس والاصلي ما تجد دوني وفب فوالقها دواما تسمع الا الدان وفي وسط سيئون يا المحضار يا ما ناس جاويد لي يفطنون الود والمعروف وارحسان والجود المحضار : با اتخبرك وين الذي وعدوا ولاجوني هم في السماء او تحت عمدوا عند شيخ الجان بعدوا وغابوا خلوا الشاهي معمر في البراريد نا ما سهنت الحر منهم نسهن الا نود وبرود باحارثه : ما با يجي حد طالما انه مغلق وألبوني وينهم إلى ألان شفنا عاد ما حد بان يا حارس البستان فضلا لا تقلد بالا قاليد في الليل والبكرة تجمل لا تخلي الباب مقلود باعباد : ونا كما نسأل ترى حد ناس يفتواني يرتاح قلبي لا نظرت الودي الفتان قولوا لنا إن قفلوا با نكسر المفتاح الحديد وقت السلا كلين يتغانمه لأنه وقت محدود المحضار : شفنا رقيق العاطفة ما ينقلب لوني كلما قسي قلبي على الصحاب بطبعه لان ما نهمر الهجران لا جانا و لا خلف المواعيد هي إلا ليلي تنقضي وإما اللقاء له يوم موعود باحرثه : يا ما ضربته هون , لكن ما اسمع هوني ذا إيش من إنسان للي ما يسمع الاهوان ناديت في ناديت قلت له فك لي الباب ياسيد ما حد علي جوب وتما الباب زي ما كان مسدود باعباد : بلله أحبابي حذارا يوم تنسوني أو تطرحوني يوم بس في طاقة النسيان و إنا علي واجب نبادر تو ونسرع با لتساد يد وشرعكم وافي ولا تلقون لي أسوام وسدود المحضار : يا ما حملت العشق كان الله في عوني لا خل ساعدنا ولا صاحب معية عان كلما نسمته يوم خلي في ألمحبه زاد تعقيد وطرح لواء من فوق رأسي قال بو محضار معقود باحارثه : في الشحر وهي وشحير يا ما نظرت أعيوني وإذا تذكرته دفيقه صبت الأعيان لي في مزارعها الشجار الخضر دنت بالعناقيد يا بخت من يده إذا امتدت تصل الأعيان المحضار : نا نوخده فيها ونا قبطن وسكوني ساعة على ألديره وساعة نقبض السكان بحر الهوى ما عسره له زغبه وله تهديد دايم زعل ما هو كما النهر الذي عند النبي هود |
وشرناها من الشتري إلى الشلمان صبحت جاحبه عايد بن سيفان نواخيذ السفاين ماعليهم مان ولافي صاحب الديره أمانه عسى بحر الهوى بعد الزعل يهدأ ويرجع كل غايب لاوطانه --------------------- قصر به الجوش من بحريته غشمان يقصون الدقل من قبل شي طوفان بغوها غصب تمخر في غبب سيلان وهي قدها من الطرشه ملانه عسى بحر الهوى بعد الزعل يهدأ ويرجع كل غايب لاوطانه --------------------- أنا عارف شروط الجوش والديمان وعارف ان كل موجه لها دفان ولاهلب إذا ماشفت بر لي بان ندور عامكايين الصيانه عسى بحر الهوى بعد الزعل يهدأ ويرجع كل غايب لاوطانه -------------------- درست العشق بحري قبل قع ربان وبحر العشق مثل البحر له وديان حد يدخل يجيب اللؤل والمرجان وحد ماجاب حبه في ثبانه عسى بحر الهوى بعد الزعل يهدأ ويرجع كل غايب لاوطانه ------------------- ولاباقول خيره عادنا حبان وعاد العين ساكن وسطها أنسان وعاد القلب في بحر الهوى له شان ونفسي ماروت منه ظمانه عسى بحر الهوى بعد الزعل يهدأ ويرجع كل غايب لاوطانه ------- معاني بعض اللكلمات للذي مايفهم كلامنا الحضرمي ... وشرناها : عملية صناعة السفينة منذ البداية حتى نهايتها الشتري والشلمان : أجزاء السفينة جاحبة : غارقة بن سيفان : أسم شخص نواخيذ السفاين : جمع ربان السفينة الجوش : السفر عبر البحر غشمان : الجاهل بالشي الدقل : العمود الذي ينصب علية الشراع تمخر : تمشي في البحر الطرشة : مياه البحر التي تدخل السفينة جراء العواصف الجوش والديمان :سفر البحر وقيادة السفينة ولاهلب : التسرع في الشي فبل اونه ثبانه : طرف الثوب ظمانه : عطشانة من العطش |
من عـــزة الله من ذا يقـدر يهينــه ..... دع عنك اهــل السبب ماقالوه بهتــــان والبر ماهو بعيــد بس الصبر وينــه ..... واهل السفينه بشر ماهم طايقينــــــه طال السفر طولت وامتدت سنينـــه .....كلما استمر الزيب جاء عاكر وطوفان للبحــر اهوال قــد نحن عارفينـــــه ....كم ندخــــل ونخـــرج من حيث جينـــــه |
ما افتـهم لـي مـاافـتهم لي .... ليش تقصد تعدي في الملاوي وهي قدامك الجاده مـاافـتهم لي ... ذي سياسه حكيمه مـنك ولا سخافة عقل ومعانده مـاتـفيدك سخافتك وعنادك ........ في الملاوي إذا خلصت زادك الـمـلاوي تـشـل كـل مـاكـسـبـته لها وتقول هل من مزيد لاتـبـدل بـديل الأصـل تقليد ... الـهوى عـاطفه ااتقبل التهديد مـاافتهم لي ... انت مثل البشر أو عاد شي فيك طلعه عالبشر زايده مـاافتهم لي ... ليش تترك طريق الناس وتمر في عصرات متباعده لاتـكيد الـذي مـايوم كادك ........ رد نفسك وقصر فـي بعادك كـلـمـا جـيـت بـاقـربـك قـاطـعـتـنـا وبعدت مني بعيد لاتـبـدل بـديل الأصـل تقليد ... الـهوى عـاطفه مايقبل التهديد مـاافتهم لي ... ساس مبناك ماكن في الهوى أو سواسك مالها قاعده مـاافتهم لي ... ليش تنده كذا وانت عروقك قوى في المضلعه مـاده كلما هب شغف الخريف نـادك ........ كلما مر قانص صيد صادك لـيـه يـتـصـيـدونـك وانـت لي كنت في كل المغازي تصيد لاتـبـدل بديل الأصـل تقليد ... الـهوى عـاطفه مـايقبل التهديد ماافتهم لي ... ايش كلمتي عندك عـادهـا مثل مـاكانت زمن نافده مـاافتهم لي ... عـادك تحبنـا ولا محبتك لـي أغـراض ومزايده لانته ناصح بود اظهر ودادك ........ واذكر القلب لـي حبك ورادك واسـتـمـع لاتـخـلـي كـلـمـتـي واقفه في الحنجره والوريد لاتـبـدل بديل الأصـل تقليد ... الـهوى عـاطفه مـايقبل التهديد |
لالا لا تلقي لها سوم لالا لا تلقي لها سوم قدها سومها الجبل لالا لا ما هي من اليوم تلقي من زمن عمل من جاء منها اكل للشيبان والسقل والغربان والعول لا قد قال يا حول ونشي زاد في الوسل متن به ضميرك لا قد قال يا حول لالا لاياخيرة القوم من دباسة العسل لامانشتهي النوم به بانشتري الزعل كل من حمل الجمل عاموعدة با يصل ما بايبات في الجول لا قد قال يا حول ون شي زاد في الوسل لالا لا تنوي على الصوم عاد الشهر ما دخل لالا لا بايوصولك لوم لا با يلحقك ذلل ونبه نذر او امل باتوفيه عامهل مبعد قال لك حول لا قد قال ياحول ون شي زاد في الوسل متن به ضميرك لا قد قال يا حول |
[color="blue"]الهـنـا والأنـس تــــم الشاعر/ حسين أبوبكر المحضار الـهــنـــا والــبــســـط تـــــم شـمـلــنـــا مــرَّه الــتــــم بــالـــوفــــا هـــو والـــتــــمــــــام ِ عــيــشــوا إلا فــي نــســـم لا هـــبَّــــت الــنـســمــه اشـِّـــــروا لـــي بــاســـــم خـــلــّــــي لا تــــســــمّـــــــون شــل مــنـــّي كـــل هــــــم يــوم جـد عـزمــه وهــم بــالــلــقـــــا خــفـَّـــف هـــيــــام ِ لــي يـحــافـــظ عـالــذمــم والــعــهـــد والـــذمـِّــــه يـــمــــدحــــــوه الـــنــــاس مـــــرَّه مـــا يـــــذمـّـــــــــون لـيـــت أنـــا ألا بـالــثـــــم مـبـسـمـــه لا جـيـت ثــم لا نــــزع مـــنـّـــي لــــثـــــــام ِ عــاد قــبـلــي نــاس جــم يــصــــرون فــي يـمّــه مـــا عــلــــي مـــا دام حــظـــــي حــــظ مـــيــــمــــــــون بــاحــلــف بـالله الـقـســم بــيــنــنــا مـاحــد قــســم قــد مـعــي خـيـــر الـقـــســـام ِ لــو يــطـلــبــونــه بـــدم شــاركــــت فــي دمـّـــه مـــن دمــــــي وتـــريـــــم تــشــهـــــد لــــي ودمّــــــــون[/color] |
الهوى عروة (لا حول لا قوه)
الشاعر/ حسين أبوبكر المحضار كـان الـهـوى عـروه مـا بـيـنـنـا ويـّاك يجمـعـنـا سـوى أحـبـــاب لامــه مــا دخـل فـيـنــا الـدخـيــل لا حــــول لا قـــــوة مـا نفعـت القـوة ولا فـاد الجميـل وكـنـت لـي مـثــوى وكـنـان لا عـاكس زماني والتوى والـيــوم تـرمـيـنــي عـلــى خـط الـسـبـيــل لا حــــول لا قـــــوة مـا نفعـت القـوة ولا فـاد الجميـل ولـيــش بـالـقــســوة يـا هـاجـري وليش تطويل النـوى تـعــلــم بـضـعــفــي لا تـحـمـِّـلـنــي الـثـقـيــل لا حــــول لا قـــــوة مـا نفعـت القـوة ولا فـاد الجميـل ما جات شـي هـفـوه منـي ولا قصـرت في حق الهوى باقي على المعروف والـشــرع الـطــويـــل لا حــــول لا قـــــوة مـا نفعـت القـوة ولا فـاد الجميـل أيـّـامـــك الـحــلـــوة ماحد بها غيري سرح ولا ضوى مـن تـشـرق البـيضا يـالــمّــان الأصـيــل لا حــــول لا قـــــوة مـا نفعـت القـوة ولا فـاد الجميـل بـلـيــت بــك بــلـــوه شفـنـا وملكتـك حواسـي والـقـوى ويـحـاسـبـــك ربـَّـك وهـو نـعــم الـوكـيــل لا حــــول لا قـــــوة مـا نفعـت القـوة ولا فـاد الجميـل |
شف المحضار ايش يقول عن الوحدة من روائع حسين المحضار حسبته خوي من لحّمي ومن دمّي**يـا في الأفـراح والأحـزان ولـكـن مـا طلـع حـتـى ولـد عـمّـي **ولا حتى طلع واحـد من الجيران عطيته كـل ما أمـلك بـلا حـسـبان عديم الود بـه ليـت اللقاء ما كان ------------------------------ تمنيته يـفكّر يـــوم فــــي ضــمّــي ** إلى صدره يعـدل شوكة المـــيزان ويـفـتـح بـاب مـنّه ينجـلي هــمّــي** ويمنحني وسام الـصبر والنيشان ويطفي نار حمراء كـيرهـا رشان عديم الود بـه ليـت اللقاء ما كان ------------------------------ أنا سـمّـي وهـو ما قـــال بـاسـمّـي ** ولا سبّح ولا عـوذ مـن الـشيطان بـدل ما يعتذر لـي زاد مـن غـمّـي ** وذوقـنـا بـلا ذنـب الـعـذاب ألـوان في العهـد الذي بـيـني وبينه خان عديم الود بـه ليـت اللقاء ما كان ------------------------------ بـنيـه صافـيـه جـبـته إلــى يــمّــي ** وسـلّمته قـفـول الــبيت والـدكان ولكن لـلأسف عـينه عـلـى فـمّـي ** وشل من فمي اللقمة وأنا جيعان وخلاني وسط صحراء الضمأ عطشان عديم الود بـه ليـت اللقاء ما كان ------------------------------ بغـاني طـول عمـري عـبد له تـمّي ** وهــو يبغى يـتـمّي دائم السلطان قليلي فـالـذهـب شـلّه مع جمّـي **ومن سوقي طلع رابح وانا خسران وباع اللول والياقـوت والـمرجان عديم الود بـه ليـت اللقاء ما كان ------------------------------ إذا تـمّى كـذا بسـقيه مــن سـمّـي ** ومـن علقم ومر قـاطع ملا فنجان وخلقانه بها فـي السـيّـف با رمّـي ** عـشاء وإلا غداء في البحر للحيتان وبا فرّج عليه الإنس هـم والجان عديم الود بـه ريت اللقاء ماكان الله يرحمك يالمحضار |
نهايه كل ناكرجود نهاية كل ناكر iiجود يتكور في iiالرمله كما ماقد زقل iiبالأمس ربعه جات له iiزقله كذا دنيا النكد تلقي تجازي الخاين iiالغدار مصيبه الآدمي لي ماحسب للايمه iiوالعار أنا سـايره بالبنه وهو يشقع يلقي كـل شقعهiوار= أنا متحمله جدنه وهو ماهو بداري من هو المحضار= برح في الأرض ولا طار ولا ماروت عنه رسوم الشحر والآثار= طلبت الصلح والهدنه وخلي مايريد الصلح باشرنا بطلق النار ______________ أنا عارفه في سنه صغير السن لكنه من الشطار= قبيلي من بني ضنه إذا ضنف غزى اما قتل أو غار= وللباطل معاه أنصار ملقين السبب مهنه = ورفعوا له علم وشعار= طلبت الصلح والهدنه وخلي مايريد الصلح باشرنا بطلق النار ______________ أنا تو دفر للجنه نصـدق مايقوله واقبل الأعـذار= نرد سيئته لي حسنه وضـره منفعه حتى ولو هـو ضار= ونختار الذي يختار ولا هو حق فزع مني = ولكن الهوى الأسرار= طلبت الصلح والهدنه وخلي مايريد الصلح باشرنا بطلق النار ______________ معي باتشهد الدمنه ويشهدن الدعـائم لي وسـاس الداربأنه هو بدا الفتنه وجاب اللوم في العشقه لنا والعارولا حشمه ولا مقدار ولا حسره ولا حنه على الماضي ولا تذكارطلبت الصلح والهدنه وخلي مايريد الصلح باشرنا بطلق النار ______________ محبه مغرضه محنه نهايتها يقع جحدان أو إنكار=عطى معروفنا دفنه وضيع ودنا و غدر بي الغدار= كأن ماشي جرى أو صار كأن الحب في ظنه حكايه عابره وأخبار= طلبت الصلح والهدنه وخلي مايريد الصلح باشرنا بطلق النار وهذا كمال للقصيده طلبت الصلح وانته iiلي رفضت الصلح من iiأصله و عادك زدت iiوتماديت بالغلطات iiبالجمله حطيت الملامه فوقنا ماقلت iiياستار مصيبه الآدمي لي ماحسب للايمه iiوالعار _________ تذكـر اننا قد iiقلت لك بامد iiبالمهله بلاش العاطفه iiتغلبك وتخليك في iiوحله علي رديت لأ وبقيت متمسك بكل iiإصرار مصيبه الآدمي لي ماحسب للايمه iiوالعار _________ عدو الأمس iiصادقته وهو أصل البلا iiكله غلط ما حد iiيسوي هكذا يازين في iiأهله يخون العيش من يرضي العواذل في صحاب الدار مصيبه الآدمي لي ماحسب للايمه iiوالعار _________ أصول الناس حد iiأصله ذهب مافيه شي iiدغله قليل الأصل من ينكر طلوع الشهر في iiالقبله ولا هي من طباع أهل الشرف يتكاشفوا iiالأسرار مصيبه الآدمي لي ماحسب للايمه iiوالعار _________ نهاية كل ناكر iiجود يتكور في iiالرمله كما ماقد زقل iiبالأمس ربعه جات له iiزقله كذا دنيا النكد تلقي تجازي الخاين iiالغدار مصيبه الآدمي لي ماحسب للايمه iiوالعار الحبيب الشاعر حسين ابوبكر المحضار |
بدايه الهجران هفوه
والود بين الناس عــــــروه انك تحافظ عالمروه تصبر على كل مايقع فيــــــــــك يا غصن من شجره دنا يا بخت من يسقيه ويجنــه ******************************************* كل ما جرا لي من صحابي مـــا احسبه داخل حسابــي قرحت علي جمع المرابي والضرب من بين الشبابيك يا غصن من شجره دنا يا بخت من يسقيه ويجنيــــــه ******************************************** ان واصلو هم اهل ودي وان قاطعو مقبول عندي روحي وما تملكه يدي في يدهم من غير تمليـــــــــــك يا غصن من شجره دنا يا بخت من يسقيه ويجنيــــــه ******************************************* ما مل قلبي حين ملــــــــــــو هم خيمو وسطه وحلـــــــــو ما طعت انساهم واسلو لو فرقو لحمي مشاكليــــــــك يا غصن من شجره دنا ياب خت من يسقيه ويجنيـــه ******************************************* قـــــــــــد متهم وبقيت تالي وسهرت وسليت الليـــــالي يا ريتهم رثيو لحالي سهران لما يصرخ الديـــــــــــــــك يا غصن من شجره دنا ياب خت من يسقيه ويجنيــــه ****************************************** الحب لــــــــــه بشه وزبّه بين المحب ولي يحبـــــــه لي ما عرف قدر المحبه صعلوك في جيز الصعاليك يا غصن من شجره دنا يا بخت من يسقيه ويجنيــه |
يا باقطيّــــــــــــان صلّح لي زهاب الجنبيه مادمت فنّـــــــــان وصناعتك صنعة راقيه من قال صنعة مـن أنا باقول صنعة باقطيّــان كل من يريد الزّين لايسأل على الأثمان ˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘ نوّح وسيبـــــان تشهد والحمومي والزّيه كنده وهمـــــدان والنّهدي وكل الباديه لي كيرهم يرشــــن وعاده لم يزل لاصي ورشّــان كل من يريد الزّين لايسأل على الأثمان ˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘ قد كان ماكــــان ماذلحين بقعه هاديه في كل دكــــان تتوفّر بضاعة غاليه والسوق متحسّن مع كل من بيدّه قرش حنّــان كل من يريد الزّين لايسأل على الأثمان ˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘ من شغل تايــوان ماصفّيت خمسة بالميه أشكال والــــــوان لكن مالبوهن تاليه خذ لك من المثمـــن ولا تأخذ رخيص السعر تهتان كل من يريد الزّين لايسأل على الأثمان ˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘ إن كنت عشقـــان أعشق من شروعه وافيه لاتعشق أنســــان في العشقة حباله باليه عشقته ماتسمــن ولا من جوع تغني لانت جيعـان كل من يريد الزّين لايسأل على الأثمان ˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘ للعشق وديــــان كلٍ قده يعرف واديه بالخيـــر لازان يابخت النشر والرّاعية وان قد بقي مزمـن عفاريت الخلا تسكنه والجــان كل من يريد الزّين لايسأل على الأثمان ˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘ كلّاً وله شــــان والدّنيا حقيرة فانيه لق جود واحســــان للإحسان ثروة باقيه وانك تحب برهــن حبّك للوطن والأهل برهــان كل من يريد الزّين لايسأل على الأثمان ˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘˘ حسين أبوبكر المحضار |
لاقد صلحنا أمرنا أمر العواذل بايهون كــل ماتفاهـمـنـا بانلـتـقـي&حطوا العواذل في طريق اللقاء شخره مادريت نـا أو إنـت كـان الشقـي&أو كلنا في الحب حاطت بنا القـدره إنـت الطمـع قاتـلـك والـغَـره ونـا مراعـي الــود والعـشـره والقطع فينـا والعـواذل يضحكـون لاقد صلحنا أمرنا أمر العواذل بايهون ** تعـال مـن ذاك النهـر بانستقـي&نهر المحبة منه تكفيك ولـو قطـره دايـم وهـو مـازال صافـي نقـي&نفوس فوقه يوردن في الهوى حـرّه مايقبـل أهـل التـيـه والبـطـره وأهـل الطمـع خـذ منهـم عبـره حط الطمع أهلـه وبكاهـم شنـون لاقد صلحنا أمرنا أمر العواذل بايهون ** إن فيك شي معـروف عـاده بقـي&أذكره قد تنفعك ياصاحبـي الذكـرى وقل لشمس الوصـل هيـا أشرقـي&لما متى نا وياك بنسير في الغـدره وإن غلـق المـعـروف بالـمـره ولعـاد لـك فـي حبـنـا فـكـره باقفل أبوابك وباشبـع لـي سكـون لاقد صلحنا أمرنا أمر العواذل بايهون ** روّح ونـا رزقـي علـى خالقـي&لا ماكفوك الأربعه لق لـك عشـره لا تظـن إنـك فــوق باترتـقـي&ذلاّ عيال إبليس لي سقفوا لك الحفرة يـا كـم وقـع لـك منـهـم زره تخـرج عيونـك منـهـا حـمـره يالسين يا حافظ على ذيـك العيـون لاقد صلحنا أمرنا أمر العواذل بايهون ** نا في الهوى بيض شعـر مفرقـي&كلما قلب وجهه علي بيضت شعـره لكنـنـا مـابـاطـرح بـنـدقـي&ورصاصتي مايوم نشبت في المجرى خبط وقـص وأرمـي بهـا خشـره صيب الهدف لو هو علـى شجـره ولا أصف نفسي خلافي يوصفـون لاقد صلحنا أمرنا أمر العواذل بايهون |
| الساعة الآن 11:55 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd
الحقوق محفوظة لدى منتديات مركز صوت الجنوب العربي (صبر) للحوار 2004-2012م