فضايح وسرقات المحتل اليمني ..

[المقاوم الجنوبي]

‏لصوص_الكهرباء_في_عدن
كشف حساب

المؤسسة العامة للكهرباء عدن
ممكن نتناقش بشفافية واللي له حق يشله ونبقى حبايب وأهل
أستلمت كهرباء عدن 441 مليون ريال سعودي خلال فترة الحرب وما بعدها موزعه على شراء 62 مولد وتمليكها للمؤسسة وهذا يعتبر من الأصول الثابته للمؤسسة، ودفع متأخرات لشركة تأجير بملايين الدولارات وبعدها الشركة رفضت الاستمرار ولازالت محتلة اراضي الدولة بالباطل وتبتز الكل، ودفع عقد تأجير لشركة اخرى لازالت موجوده وتنتج ربع إنتاج الكهرباء في عدن، ودفع قيمة عقد تشغيل لمحطة الملعب لمدة سنه، وإمداد المؤسسة بكمية لابأس بها من قطع الغيار الضروريه، ودفع مستحقات ثلاثة أشهر كاملة لكافة العاملين في المؤسسة من رواتب وعلاوات وحوافز وإضافي وغيره والباقي مفقود،
حلو الكلام
نجي للمهم محاسبيا وقانونيا هذه المبالغ والاصول والعقود كاملة يحب ان تدخل بحسابات المؤسسة بسجلات رسمية صح، طيب ايش بايسجلوها وكيف بايكيفوا البنود هل هبات او من الدوله او موازنه عامه ام مشاريع ولا إيرادات،
طبعا ماينفعش لانها بالاول والاخير اتت من الهلال الاحمر الاماراتي معونه لشعب وأهالي عدن لمساعدتنا لتخطي كارثة الحرب يعني يجب ان تقيد مدفوعات او معونات من الهلال الاحمر لسكان عدن أي تدخل بحساب أهل عدن.
طيب المبلغ المدفوع يطلع حوالي 30 مليار ريال أي اننا كسكان لمدينة عدن وفرنا دعم للمؤسسة استفادت منها استفاده كاااامله ب 30 مليار ريال يمني، وسكان عدن يدينوا للمؤسسة بحوالي 10 مليار بحكم ان المديونية للمؤسسة 25 مليار ريال ومنها 10 مديونية الدولة و 5 على كبار التجار والمتنفذين والفاسدين والمشائخ، يعني يامؤسستنا الحبيبه والغالية على قلوبنا ويا صرح من صروحنا الصامده كلوا واشربوا وعلى الحق اتحاسبوا ال 10 مليار اللي على سكان عدن اندفع 3 اضعاف واستحوا على انفسكم وامسحوا المديونيه وصفروا العدادات وتبدأ صفحة جديده وإلا سلمونا الثلاثين مليار وباندفع لكم ديونكم ونحن الكسبانين.
انتوا الان معاكم 62 مولد تعتبر أصول ومخصوم من موازنتكم مستحقات 3 أشهر للعمال موجوده وفر لكم بالحساب العام وبكره باتسحبوها حوافز للعمال والمدراء بالباطل والمولدات عادكم تطالبوا الامارات بعقودها علشان تثبتوا ملكيتها وبعد فترة باتطلعوها خربانه وباتبيعوها والفلوس باتدخل لحسابكم .
هذا ملف واحد من ملفات الكهرباء بتفاصيله المملة وملفاتها كثير وجاهزين لكل نقاش ولو يشتونا نفتح الملفات بانفتحها جاهزين وبالوثائق والمستندات والايام والقضاء بيننا ورب العالمين فوقنا وفوقكم وحسبنا الله ونعم الوكيل.
والله من وراء القصد ..